Iran ke Wazir-e-Kharija Abbas Araghchi ki Rawalpindi mein Army Chief se mulaqat
Iran ke Wazir-e-Kharija Abbas Araghchi ki qiyadat mein aik aala satah ke wafd ne Rawalpindi mein Army Chief aur Chief of Defence Forces Field Marshal Syed Asim Munir se mulaqat…
Iran ke Wazir-e-Kharija Abbas Araghchi ki qiyadat mein aik aala satah ke wafd ne Rawalpindi mein Army Chief aur Chief of Defence Forces Field Marshal Syed Asim Munir se mulaqat ki hai.
Pak fauj ke shobba talluqat-e-aama (ISPR) ke mutabiq is mulaqat ke doran donon baradar mulkon ke mabain bahmi dilchaspi ke amoor, khittay ki security ki soorat-e-hal aur badalte hue geo-political halaat par tafseeli tabadla khayal kiya gaya.
Field Marshal Syed Asim Munir ne khittay mein paidar amn aur istehkam ke farogh ke liye musalsal rabte, bahmi aetmad aur qareebi ahang ko intehai ahem qarar diya, jabke Iranian Wazir-e-Kharija ne Pakistan ke musbat aur tameeri kirdaar ki bharpoor tehseen ki.
Source: MIM News on Facebook




Join the conversation